www.3yon3l7oob.yoo7.com
منور منتدي عيون الحب
هنا بجد مبسوطين جدا بوجودك معنا
بس بقي مش هنفضل نرحب كتير
يلا قوم سجل وخلصنا
هنا احنا بجد احلي اسره وعايزينك معانا



 
الرئيسيةالبوابةاليوميةمكتبة الصورس .و .جبحـثالأعضاءالمجموعاتالتسجيلدخول
thml
body{cursor:url("http://plugin.smileycentral.com/http%253A%252F%252Fplugin%252Esmileycentral%252Eco m%252Fassetserver%252Fcursor%252Ejhtml%253Fcur%253 D1%2526i%253D11480a/image.gif") !important;}
body{cursor:url("http://plugin.smileycentral.com/http%253A%252F%252Fplugin%252Esmileycentral%252Eco m%252Fassetserver%252Fcursor%252Ejhtml%253Fcur%253 D1%2526i%253D11480a/image.gif") !important;}

شاطر | 
 

 جدرانها تبد ترتعش

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Ξ҉ೋ҉₡ 7ayat 3yon₡҉ೋ҉Ξ
Admin
Admin
avatar


































عدد المساهمات : 801
نقاط : 2353
السٌّمعَة : 22
تاريخ التسجيل : 06/07/2010
العمر : 26

مُساهمةموضوع: جدرانها تبد ترتعش   الأحد 29 أغسطس 2010 - 1:27

في الشارع الضيق أوي
يمكن تحس ان البيوت
هي ّ اللي ولدت بعضها
وتلاقي شباك كل بيت
ماسك في شبابيك الجيران بيعضــّها
مكسوفة من بعض البيوت
لو في السما....حبة سحاب اتجـّـمعوا
شكل السحاب بيخضـَـها
جدرانها تبدأ ترتعش
وتداري طولها في عرضها
خايفة المطر....ينزل يدوّب سترها
ويبيـن الحزن اللي هاتك عرضها
في الشارع الضيق اوي
فيه ناس كتير
هربانة..أو...متهرّبة
مدّربة
إزاي تعيش وسط انكسار...وماتنكسرش
إزاي تعيش في الذكريات....وما تفتكرش
و إزاي بترضي بلقمة ناشفة وحتتين طرشي جزر
ولا إنــّها
من مال غلابة تربّي كرش
و إزاي وهي ّ مافيش في جيبهااا.. قرش ساغ
لازم يعيش جوة القلوب معني الشرف
مع إنه مابيعملشي قرش
و إزاي يسوقهاااا كل شئ
علشان تموّت نفسها....وما تنتحرش
في الشارع الضيق أوي
صوت طرطشة مية حـُما الواد ابراهيم
يخرق ودان كل الجيران
والكل فرحان ليه عشان
الأخ هيما من زمان
كان ناسي ايه طعم الحـُما
كان كل يوم
يرجع من البنزينة لابس بدلته....متشحمة
كالعادة دايما ً ينسى يقلع جذمته
يدخل ينام زي القتيل
أو ربما
فعلا ً قتيل
يصحي من النوم الطويل
من غير مراية يحط جل على العمي
بس المهم يحط جل
مع إنها نفس الهدوم...متشحمة
يمشي بعينيه المكسورين
و كإنها ...ممنوعة تحلم بالسما
وبرغم دا
بيعلـّـمك معني الرضا
ساعة ما ما مرسيدس جديدة تفوت عليه
ساعة ما يملي تانكها
دخانها بيعفــّر عليه
لحظتها بس عيونه تضحك للسما
ويلاقي صوت جوّاه يقول
أرزاق وفوق....متقسمة
في الشارع الضيق أوي
حنفية واحدة للجميع
حمام موّحد للجميع
والضحكة واحدة للجميع
والدمعة واحدة للجميع
الهم واحد في القلوب
فيه شئ غريب بيصعبّه ...ويهوّنه
إنه بيسكـُـن.... في الجميع
في الشارع الضيق أوي
هتشم ريحة غريبة جداً تدهشك
وتخربشك
ريحة عرق
على ريحة الحبر اللي مسجون في الورق
على ريحة الحلم اللي مـ ِالقلب اتسرق
مع صورة عايشة على الجدار
لمحمد اللي اختار يسيب
الشارع الضيق أوي
ويروح بعيييييييييييييييييد
لكن محمد للأسف
الحلم في البحر اتنسف
علشان محمد لمّا خاف
مـ ِالجوع يموت ...مات بالغرق
في الشارع الضيق أوي
فيه ناس غلابة كتير أوي
بيسَنــّدوا اليوم الطويييييييل....علشان يفوت
ويعلموك
إزاي تموت من غير ما احساسك يموت
و يخلوا قلبك يسألك
ساكنة البيوت جوة البشر
ولاّ البشر جوة البيوت؟
و إزاي جميع كتب الحساب والهندسة
فشلت تحل إزاي يعيش ألفين نفر
في بيوت آخرها 200 يادوب
ومايعرفوش إن البشر
في الشارع الضيق أوي
فعلا ً بيوتهم ضيقة
بس الوَسـَع جوة القلوب
في الشارع الضيق أوي
الناس بحالها بيسألوا
فيه زحمة ليه واستعدادات
فيه إيه جري....ليه شقوا جدران السُـكات
طلع الرئيس و ذوي الفخامة والسّمُــو
هيعدّوا بكرة من هنا
رايحيين هناك...في الشارع الواسع أوي
فيه افتتاح متحف جديد
وقصور قديمة اتجددت
وهتتفتح من تاني في العصر الرشيد
لكن أكيد
لو عدّوا ممكن يلمحوا
الشارع الضيق أوي
أو ريحته ممكن تزكم الجمع السعيد
إيه يعلموه
في الشارع الضيق أوي
علشان عن العين يحجبوه
أو يدفنوه
ملعون أبوه
لو كان يوحـّـش اسم مصر
يصْحَـي البشر
في الشارع الضيق أوي
يلقوا على ناصية شارعهم سور كبير
عالناحيتين
مكتوب في وشه بخط يبْسط كل عين
الحي بيرحب أوي بالزائرين
مكتوب في ضهره بخط يجرح كل عين
من بكرة لازم كلكم تـِخلـُــوا البيوت
من بكرة فيه..قرارات إزالة لكل بيت
و ابكي براحتك لو بكيت
لو لسه فيه في عيونكوا دمع
أو لسة فيه لدموعكوا عين
طب ليه وإمتي...إزاي...منين
ومافيش جواب
و يصرّخوا
ليه تحبسونا فـ حلمنا
طب فهمونا عملنا ايه
خلاكوا سيبتونا في عذاب
والله ما سرقنا البلد
ولا جينا ناحية حلمها
مع إنه بإيدينا اتولد
متأسفين
على ايه ما نعرفشي إنـّما متأسفين
يا موكب الجمع السعيد
يااللي جايين تتفرجوا
على مصر مصر ماهيش هناك
مصر اللي عايزينها هنا
محبوسة ويانا هنا
الصبح تاكل لقمة حاف
بالليل تنام من غير لحاف
و نقع تشيلنا في قلبها
وتقع نشيلها على الكتاف
ونخاف عليها من الهوي..مع إنها
ما بقيتشي دلوقتي علينا خلاص تخاف
يا موكب الجمع السعيد
إمتي تهدّوا السور هنا
وتهدوا وياه ألف سور
بانيينه من طوب حزننا
عايزين نعيش زي البشر
أو حتى مش زي البشر...لكن نعيش
راضيين بمصر بحزنها
وبدمعنا...وبدمعها
لو فيها قوتنا....أو مافيش
يمكن حياة الحلم جوانا انتهت
لكن أكيد
حلم الحياة مابينتهيش
ياموكب الجميع السعيد
حوّد هنا
يمكن مافيش
في شارعنا متحف ولاّ قصر
لكن قلوبنا بتوعدك
في الشارع الضيق أوي
هتلاقي مصر

[list][*]

––––•(-•♥ المصدر ••♥منتديات عيون الحب •♥•♥ التوقيع ♥•-)•––––











Click here to get more from MasterGreetings.com

〖턠╚▒█╗☆ண╰㋞وحشتني اوي يا عيون ربنا يرجعك لينا بالف سلامه ويارب متتاخرش علينا تاني المنتدي كله وحشه وجودك ㋞╮ண☆╚█▒╗턠
الرجوع الى أعلى الصفحة اذهب الى الأسفل
http://3yon3l7oob.yoo7.com
batool
مستشار الاداره
مستشار الاداره
avatar















عدد المساهمات : 581
نقاط : 882
السٌّمعَة : 9
تاريخ التسجيل : 02/08/2010
العمر : 25

مُساهمةموضوع: رد: جدرانها تبد ترتعش   الأحد 29 أغسطس 2010 - 10:47

احيكي علي موضوعك .. ان المجتمع الذي ينقسم الي فئتين اثنين فقط هذا مجتمع يعمه الفســاد وللاسف هذا ما يوجد لالان بمجتمعنا

––––•(-•♥ المصدر ••♥منتديات عيون الحب •♥•♥ التوقيع ♥•-)•––––











الرجوع الى أعلى الصفحة اذهب الى الأسفل
 
جدرانها تبد ترتعش
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
www.3yon3l7oob.yoo7.com :: منتدي السياسه-
انتقل الى: