الشرطه الخفيه

الشخصيات هي
(شهد) : هي الشرطية الخفية ومغرورة مع (نسيم)
(نسيم) : شرطي ودائما يتهاوش مع (نسيم)
ابو (شهد) : طيب ومليونير

ام (شهد) : طيبه وخوافه كثير على بنتها
(احمد) : صديق (نسيم) ويحب
(فوز) : صديقة (شهد) وتحب (احمد) وهو يحبها
(العنود) : صديقة (شهد) و (فوز) ومعجبة بـ (نسيم)
الرئيس : كلب وحيوان ويبي يكشف مين الشرطية الخفية
ام (نسيم) : حبوبة وطيبة وااااجد

العنوان : الشرطية الخفية
كان في بنت في قمة الجمال الرباني وهي بنت مليونير مشهور وتعرفون بنات الفلوس يعني اللي كل شيء تحت رجولهم لازم اذا راحت مكان لازم تتعلم منه شغلة هي من كثر طلعاتها تعلمت فن الكراتيه وتسوق انواع كثيرة من المواصلات السيارة والسفينة والدباب والشاحنة واللي تبونه يوم من الايام هي راحت مكان وشافت اشياء مو معقولة يعني باختصار في السعودية والمسكينة ما تقدر تسوي شيء بكونها بنت وهالايام قليل الدوريات تدور في الشوارع وكانت تبي تثبت ان مو بس الشباب اللي يقدرون يسوون اشياء اكثر من البنات بس ما كانت تقدر تسوي شيء وهي اذا زهقت تروح تلعب بالكمبيوتر يعني مو لعب بس تطلب طلبات من الخارج يعني تتسوق عن طريق الكمبيوتر وهي كانت تشتري اشياء مثل الجواسيس اهلها ما يدرون وهي من قبل فترة فصّلت زي مثل لون الشرطة يعني الزيتي بس يعني تفصيل بنات ومخصر وبوت الكعب اسود وعندها الكبوس وقناع يغطي وجهها ويطلع عينها وفمها وذقنها ومخبيتة عندها لان ما في امل ان تلبسه بس المسكينة تحاول تتجرا بس ماتقدر هي خوافة >> في الليل يوم جات تبي تنام سمعت صوت رجال يضحكون وصوت القطاوة يصيحون وجات تبي تشوف من شباك غرفتها الا رجال سكرانين ويضربون القطاوة ويعذبونهم وراحت علطول خذت جوالها وتصلت على الشرطة وردوا
وقال : الوو السلام عليكم ..
قالت: وعليكم السلام معاي الشرطة ؟؟ ..
قال : ايه نعم ..
قالت : انا اسفة لاني اتصلت في الليل بس في رجال سكرانين تحت شباك غرفتي ويضربون البسس ..
قال : طيب انتي متاكدة ..
قالت : ايه متاكدة ..
قال : طيب اسمعي انا باعطيك رقم واحد تتصلين فيه وتقولين له وين مكانك ..
قالت : طيب ياللا عطني الرقم ..
قال : خذي ...........050 واسمة (نسيم ) ..
قالت : طيب ..
واتصلت علية ورد
وقال : الوو ..
قالت : الو السلام عليكم ..
قال : وعليكم السلام ..
قالت : معاي الشرطي (نسيم) ..
قال : ايه نعم ..
قالت : انا اتصلت بالشرطة وقلت لهم ان في عندي سكرانين تحت شباك غرفتي ويعذبون البسس وعطوني رقمك وقالوا لي اتصلي عليه وهو بجي عندك ..
قال : طيب انتي متاكدة ..
قالت : ايه متاكدة ..
قال : طيب انتي باي شارع ..
قالت: انا ساكنة في شارع ......
قال : انا في الشارع هذا اصبري خليني الف ..
ولف السيارة وكان معاه خويه (احمد) وشافهم
وقال : ايه شفتهم ..
ونزل من السيارة وقام يضربهم وهي كانت لسه على الخط مع (نسيم) بس هو كان يكلمها بالسماعات وهي شافت انه في واحد بيجي يضربه من وراه
قالت وهي خايفة : انتبه ..
وهو سمعها وبسرعه شاف ورا وضربة لما مسكوهم كلهم هو مع خوية وبعدين اتصل على الدوريات يجون وبعدين اتصل على (شهد) هي البنت نفسها..
قالت : الوو ..
قال : الوو لو سمحتي انتي اللي اتصلتي علي قبل شوي علشان الرجال السكرانين ..
قالت : ايه انا ..
قال : ممكن تدلين لنا وين بيتك ؟ ..
قالت : ليــــــه ؟!! ..
قال : علشان تكملين معانا الاجراءات ومرة وحدة نشكرك على اللي سويتيه معانا ..
قالت : الاجراءات انتوا كملوها انا مالي دعوة وكلمة شكرا منك تكفيني ..
قال : طيب ممكن اعرف اسمك ..
قالت : مو لازم اعتبرني شرطية قال وهو يستهبل : كيف يعني شرطية خفية ؟!! ..
قالت : سمني مثل ما تبي ياللا مع السلامة ابي انام ..
وسكرت على وجهه وبعدين جلست تطالع فيهم لما راحوا واليوم اللي بعدة في الليل و(شهد) تشوف من شباكها سمعت واحد يكلم بالجوال
ويقول : اسمع اليوم السهرة البنات جاهزين والخمر جاهز احنا في شارع ........ وفي مسجد وجنب المسجد بيت لونه ابيض و الباب بني معتق ياللا استناك مع السلامة
و(شهد) بسرعة اتصلت على (نسيم) وهو استغرب من الرقم
وقال : الووو ...
قالت : الوووالشرطي (نسيم) ..
قال : ايه نعم ..
قالت : انا اللي امس اتصلت عليك ..
قال : مين ؟!! قالت : انا امس اتصلت عليك علشان الرجال السكرانين في الليل ..
قال : اهمممممم تذكرتك الشرطية الخفية ..
كان يستهبل ..
قالت : ايه انا ..
قال : شفيك ..
قالت: انا سمعت واحد يتكلم بالجوال ويقول له تعال عندي البنات جاهزين والخمر جاهز ابيك تجي عندي الحين نكمل السهرة ..
قال : هم وين الحين ..
قالت : انت وينك ؟
قال : انا في شارع ..........
قالت : يؤ انت بعيد عن الشارع اللي انا ساكنة فيه بسرعة تعال عندي واذا وصلت كلمني ..
قال : طيب ..
وسكروا الجوال ..
قال خوية (احمد) : خير شصاير ..
قال: تتذكر البنت الي امس اتصلت علينا في الليل ..
قال : ايه شفيها ..
قال : تقول ان في واحد عازم شباب على الخمر والبنات ووو ..
قال : اوفففففف طيب بسرعة ياللا روح ..
قال : ماتشوفني اسرع ..
وصار يسرع لما وصل الشارع اللي ساكنة فيه (شهد) واتصل عليها
وقال : الوو انا الحين في الشارع وصلت وين مكانهم ..
ونزل من السيارة ..
قالت : شوف وراك ..
طالع وراء وقال: اشوف مسجد ..
قالت : جنب المسجد بيت ابيض وبابة بني قديم ..
قال: هذا البيت ..
قالت : ايه ..
قال : طيب انتي تقدرين تشوفيني ؟؟ ..
قالت : ايه اقدر اشوفك الحين ..
قال: طيب انا بدخل انامع خويي وانتي اتصلي على الشرطة واطلبي الدوريات بسرعة انزين ..
قالت : طيب ..
وسكروا الجوال واتصلت على الشرطة ورد واحد
وقال : الوو ..
قالت : الوو معاي الشرطة ..
قال: ايه نعم ..
قالت : انا طلبني الشرطي (نسيم) اتصل عليكم ويبي منكم دوريات بسرعة ..
قال : مين انتي ..
قالت : انا اللي عطيتها رقم الشرطي (نسيم) امس في الليل ..
قال : طيب الحين بنجي ..
قالت : تعالوا في نفس الشارع ..
قال : طيب ..
وبعدين دخل (نسيم ) داخل البيت مع (احمد) وتاخروا وخافت (شهد) وبعدين جات الدوريات ودخلوا البيت ومسكوا اللاولاد والبنات وشافوا معاهم كميات خمر كثيرة ومخدرات بالكراتين .. و(شهد) شافت (نسيم) و(احمد) غرقانين بالدم .. واتصلت عليه . وهو شاف الرقم ووخر عنهم ورد
وقال : الووو ..
قالت : الوو الحمدالله على سلامتك ..
قال: الله يسلمك ما اعرف شقول لك بس بصراحة شكرا كثير على كل اللي سويتيه معانا ..
قالت : العفو كلنا واحد مافي فرق بسن الرجال والبنت ابونا ادم وامنا حواء ..
قال : لو انا اعرف وين انتي ساكنة كان جيتك وشكرتك مثل العالم والناس ..
قالت : مثل ما قلت نا كلمة شكرا تكفيني ياللا انت مشغول الحين ياللا مع السلامة ..
قال: مع السلامة ..
وبعد يومين رن جوال (شهد) راحت تشوف من هو وشافت رقم جوال الشرطي (نسيم) استغربت وردت
وقالت : الووو ..
قال : الو السلام عليكم ..
قالت : وعليكم السلام ..
قال : ليه امس ما اتصلتي فيني ..
قالت : لية؟!!! ..
قال: كانت في جريمة عند الشارع اللي انتي ساكنة فيه ..
قالت: والله ما ري اسفة !!! ..
قال: امس في الليل ولد صغير مات وعمرة 4 سنين ..
قالت : طيب وش صار بعدين..
قال : هرب القاتل وهو واحد هندي وخطف غيره 3 بنات وولدين ..
قالت: لسّة ما لقيتوهم ..
قال: لا لسة وانا خلصت مناوبتي اليلية ومن اليوم صارت مناوبتي الظهر ..
قالت: اانا ما اعرف شقول بس احس اني المسؤلة ..
قال : ااااه لو شفتي ردة فعل اهلة ..
قالت : طيب انت ماتقدر تغير مناوبتك.,.
قال: لا علينا ظغط كثير انتي اذا شفتي المجرم اتصلي على الشرطة وهم بساعدونك ..
قالت: لا ماراح اتصل عليهم انا راح اجيبهم عند باب بيتك ..
قال : كيف عرفتي بيتي ؟!!! ..
قالت : مثل ما اعرفك اقدر اوصلك ..
قال : حتى انا اقدر اوصل لك من رقم جوال ..
قالت : ماراح تسويها ..
قال: ليه اقدر اسويها ترى ..
قالت : ادري انك تقدر بس ماراح تسويها لانك خايف على بنات الناس وتحب الستر لهم واذا فضحتني راح يعرفوني وانا ما ابي احد يعرفني وانا ما ابي اصير مغرورة مثل مشاهير هالايام انا ابي اصير متواضعه ..
سكت بعدين
قال: طيب ليه انتي واثقة فيني لهالدرجة!! ..
قالت : واثقة فيك لانك تستحقها ولو ما تستحقها كان ما كلمتك ان بالذات ..
قال : شكرا بس مو اي واحد تكلمينة تثقين فيه ..
قالت : انا مو اي واحد اثق فية غير اللي اعرفهم بسسسسسسسس وانا اعرفك وانا حسيت انك شاب موثوق فيه ..
قال : شكرا ..
قالت : العفوو ..
قال : طيب قوليلي كيف خلال يومين بتجيبين المجرم والاولاد ؟!!!! ..
قالت : انت بعدين بتشوف بعد يومين ..
قال : كيف بعد يومين ؟!!!! ..
قالت: انت بتشوف ياللا خلني اذاكر ..
قال : طيب انتظرك بعد يومين مع السلامة ..
وبعدين في الليل وهي تراقب من شباك غرفتها وبعد 3 ساعات تعبت ونامت .. واليوم اللي بعدة طالعت في زيها الشرطي وتجرات ولبستة واخذت معاها عدة حقت الجواسيس اللي طالبتهم من برة البلد وطبعا طلبتهم بالسر وطارت تطير من بيت الى بيت ومن عمارة الى عمارة و تدوّر على المجرم وحاولت ما قدرت تلاقيه وفي اليوم اللي بعدة وتدوّر على المجرم والاولاد وما لقت اي دليل واحد يساعدها بعدين فكرت انها تروح حديقة الاولاد وشافت واحد هندي جالس مع بنت صغيرة وجلست تشوفة بدون ما احد يحس فيها وراقبته وبعدين الصغيرة راحت عند امها وعرفت ان هذا الهندي ما عنده هذي الاشياء واليوم اللي بعدة اللي لازم تعطي (نسيم ) المجرو مع الهندي ..وراحت الحديقة لانها شكّت بالهندي اللي جلس مع الصغيرة وشافته ينادي ولد وبسرعة سرقة وما احد شافة وصارت تلاحقة لما راح بيته وبدين دخلت عليه البيت وشافت انه كان بيذبح الولد وال3 بنات والولدين اللي قال عنهم (نسيم) موجودين وصارت تضرب بالهندي لما غمي عليه ولما صار وقت النوم خلاص خذت الخندي وربطتة عند عامود النور اللي مقابل بيت (نسيم) وعطت بنت صغيرة ورقة لازم تعطيها للشرطي (نسيم)
وقالت : حبيبتي اسمعي هذي الورقة تعطينة رجال وهو بهذا البيت وهو شرطي ok ..
قالت الصغيرة : طيب ..
و(شهد) ظغطت الجرس وردت الام
وقالت : مين ؟!! ..
قالت (شهد) : هذا بيت الشرطي (نسيم) ؟؟ ..
قالت الام: ايه هذا بيته !! ..
قالت (شهد) : ممكن تنادي لي ولدك الشغلة ضرورية مررة ..
قالت الام: بس الدنيا ليل وهو نايم الحين ..
قالت (شهد) : طيب انتي قوليله المسالة مسالة شرطية خفية وهو بيعرف ..
قالت الام : طيب ..
وراحت عند ولدها
وقالت : يمه (نسيم) قوم ..
قال : يمه خليني انام ..
قالت : في وحدة عند الباب تبيك ..
قال: من هي؟ ..
قالت : انا وش دراني بس هي قالت ان المسالة مسالة شرطية خفية ..
بسرعة قام
وقال : طيب الحين بانزل ..
ونزل وشاف الهندي عند العامود مضروب ومغمي عليه و 3 بنات و3 اولاد ..
قالت البنت الصغيرة : انت الشرطي (نسيم) ؟!!
قال : ايه انا ..
قالت : خذ هذي الورقة ..
وخذها وفتحهاو قراها
ومكتوب فيها : * انا وعدتك وما اخلفت وعدي جبتلك البنات والاولاد والمجرم نفسة واليوم كان بيخطف ولد صغير ومسكتة وصار عند 3 اولاد الحين وشكرا لانك وثقت فيني مع تحياتي (الشرطية الخفية ) *..
قال (نسيم) للبنت : طيب حبيبتي كيف جيتوا هنا ..
قالت الصغيرة: كان في بنت كسرت باب البيت وصارت تضرب وتضرب بالهندي النذل لما غمي عليه وبعدين جابتنا هنا وقالت لنا ما نتحرك ..
قال (نسيم) : طيب حبيبتي لا تقولين نذل مرة ثانية عيب ..
قالت : طيب ..
قال : طيب تعرفين باي اتجاه راحت؟ ..
قالت : ايه اعرف ..
قال: وين ؟ ..
قالت : ركبت هذي العمارة البيضة ..
وطالع في العمارة وكانت موجودة وبسرعة نزلت راسها علشان ما يشوفها وما شافها
وقال للصغيرة :طيب حبيبتي امشوا ركبو سيارتي ..
وركبهم سيارته وطلب الدوريات يجون ولما جاو خذوا الهندي والاولاد وراحوا للقسم وحققوا معاهم
قال (نسيم) للصغار: جاوبوني شكانت لابسة البنت اللي انقذتكم ..
قالو: كانت لابسة مثلك وحاطة قناع وكبوس وطالعة كانها شرطية ..
قال الرئيس : انت تعرفها ؟ ..
قال : هاه للا ما اعرفها ..
قال (احمد) : الا هي اللي اتصلت عليك علشان العمليتين ..
قال الرئيس : اي عمليتين ؟!!
قال (احمد) : من قبل كم يوم وحدة اتصلت علينا وتقول ان في رجال سكرانين تحت شباك غرفتها والعملية الثانية الي هي من قبل كم يوم اللي صدناهم مع كراتين مخدرات ..
قال الرئيس لـ (نسيم) : وكيف تقول ماتعرفها ؟!!
سكت (نسيم) وما عرف شقول وبعدين
قال :للا مو البنات نفسها هذي ثانية ..
قال الرئيس : كيف يعني ثانية ..
قال وهو متردد : هذي البنت اا انا ما اعرفها بسس مو هي ..
قال (احمد) : كيف مو هي الا هي حتى انك قلت لها شسمك رفضت وقالت انا مستحيل اعطيك اسمس بس اعتبرني شرطية خفية ..
سكت وما عرف شقول بعدين
قال الرئيس : شلون تكذب علي وتقول ما تعرفها يا (نسيم) ؟..
قال (نسيم) : للا انا اصلا ما اعرفها !! ..
قال (احمد) : يا (نسيم) شفيك الا تعرفها نسيت انك تعرف رقم جوالها ..
قال الرئيس : تعرف رقمها بعد ياللا عطني الرقم علشان نعرف وين ساكنة ..
قال وهو متفاجئ وما عرف شقول :للا ما عندري رقمها !! ..
وبعدين جاء واحد شرطي عند الرئيس
وقال : يا سيدي احنا اتصلنا على اهالي الصغار اللي كانوا مخطوفين ..
بعدين (نسيم) غمز لـ (احمد) يعنيي (اسكت) وفهم (احمد) واستغرب ولما خلص الرئيس من كلامه مع الشرطي
قال له (احمد) : سيدي طلعت مو هي طلعت وحدة ثانية ..
قال الرئيس : امممم طيب تعرفها ؟ ..
قال (احمد) : لا ما اعرفها ..
قال (نسيم) : ولا انا اعرفها ..
قال الرئيس : طيب امممممم خلاص مصيرنا بنعرفها ياللا كل واحد يروح يشوف شغلة ..
قالوا: حاضر ..
وراحوا وهم يمشون
قال (احمد) : شفيك ليه ما تبينا نعرف البنت ؟!!
قال (نسيم) : بس كذا البنت واثقة فيني كثير ولا ابيك تعلم احد اننا احان الاثنين نعرفها ..
قال (احمد) : كيف يعني ؟!!
قال (نسيم) : يعني الشرطية الخفية سر بيني وبينك وبينها فهمت وياويلك ان سمعت ان (احمد) هو اللي نشر الخبر ..
قال (احمد) : لحظة انا فهمت انت تعرفها وتبينا نستر عليها ..
قال (نسيم) : لا لسة ما عرفتها صحيح ان عندي رقم تلفونها وسهل اني الاقيها بسس ما تجرات لان كلامها ساكن براسي تدري ليه ؟ لانها قالت اني ان شاب موثوق فيه وانا لي سنين اطلب من الناس هذي الكلمة من احد غيرها وهي الوحيدة اللي قالتها ..
قال (احمد) وهو يمزح : اممممم فهمت يعني انت انعجبت فيها وحبيتها ..
وضحك (نسيم) وضربه وكان يمزح معاه وضحك (احمد) بعدين
قال (احمد) : لا تخاف سرك في بير ما راح يطلع انا خوييك من متى ؟ من سادس وكانت احلامنا متشابهه كان حلمنا ان نطلع شرطيين معروفين وسيرتنا على كل لسان بالخير وطبعا تحقق حلمنا ..
قال (نسيم) : ايه انا واثق فيك واكيد ما راح تخليني اخسر ثقتي فيك ..
قال (احمد) : ولوو ثقتك في محلها ما راح تخسرها ابدا صدقني لو هددوني بالموت ..
قال (نسيم) : شكرا ..
قال(احمد): العفووو ..
قال (نسيم) : ياللا عن اذنك ابي اروح البيت عيوني مو راضية تتفتح ..
قال (احمد) : طيب مع السلامة ..
قال (نسيم) : مع السلامة ..
وراح وطلع من القسم وركب السيارة ورن جوالة وشاف الرقم وطلعت الشرطية الخفية ورد
وقال : الووو ..
قالت : الوو السلام عليكم ..
قال : وعليكم السلام ..
قالت : هاه شصار معاك ؟ ..
قال : الاطفال كلهم راحوا بيت اهاليهم بيعزرون المجرم ..
قالت : طيب انت اعترفت فيني ؟..
قال : لا انتي ما قلتي انك واثقة فيني ؟ ..
قالت : بلى قلت بس حبيت اتاكد ..
قال : والحين ؟؟!! .
قالت : ايه خلاص تاكدت ..
قال : شكرا ..
قالت : العفوو ..
قال : اسمعي في بنت صغيرة تقول انك كنتي لابسة ملابس الشرطي ..
قالت : ايه ..
قال: من وين لك ؟
قالت : انا مفصلتهم ..
قال : واهلك ما يدرون عنك ..
قالت : لا ما يدرون انا مفصلته بالسر ..
قال : طيب وكيف تسلقتي العمارة ؟!!
قالت : انا من عائلة غنية كثير وابوي يعطيني مصروف كل شهر وما يخليني اصرف منها ريال واحد وانا كل ما اطلب من برة اغراض مثل اغراض التجسس كانت تجيني بالسر وكنت اصرف من مصروفي واذا ابوي درى والله بيزعل ..
قال : يعني اعتبرك جاسوسة ..
ضحكت بعدين
قالت : ايه ..
قال : طيب ليه انتي غير عن بنات هالايام بس ليش تسويين كذا ؟!! ..
قالت : من انا وصغيرة كان حلمي اني اصير شرطية وما ابي حلمي يطير مني ..
قال : انتي فعلا شرطية ..
ضحكت بعدين
قالت : شكرا ..
قال : طيب انتي شسمك ؟ ..
قالت : ليه؟!!
قال : لااا بس علشان اسميك ..
قالت : سميني الشرطية الخفية ..
قال : طيب على راحتك ..
قالت : طيب انا باخليك انا بروح انام ..
قال : طيب مع السلامة ..
قالت : مع السلامة ..
وبعد 3 ايام راحت (شهد) للكلية ولما خلص الدوام والكل طلع على البيت سمعت وحدة تقول لصديقتها بصوت خفيف
وتقول : اسمعي انا خويي وبجيب معاه حبوب تخلي الواحد ما ينام يعني تقدرين تذاكرين على راحتك يا حلوة وتخليك هادية ومروقة اخر تروييق..
قالت صديقتها : طيب جيبيلي منها ..
قالت : طيب كم عندك الحين ؟ ..
قالت صديقتها : 100 ريال ..
قالت : حتى انا عندي 100 ريال بروح اجيبلي واجيب لك ..
وخذت مها الفلوس وبما ان مناوبة (نسيم) الظهر كان جاي للكلية يعني زي ما نقول الهيئة فهمتوا ؟ .. واتصلت عليه وهو شاف الرقم بعّد هنهم ورد
وقال : الوو ..
قالت : الوو السلام عليكم . .
قال : وعليكم السلام ..
قالت : شعندك جاي هنا الكلية ؟!!
قال : ليه انتي تدرسين بالكلية ؟!!!
..قالت : ايه ليش ؟ ..
قال : انا احسب انك صغيرة في الثانوي ..
قالت : لا انا في الكلية ..
قال: طيب باي سنة ؟ ..
قالت : سنة 3 ..
قال : وشنو تخصصك ؟ ..
قالت : ادبي .... خلاص لا تسالني كل هالاسلة انا مو فاضية لك الحين ؟..
قال : اجل ليه متصلة ..
قالت : انا سمعت وحدة تقول لصديقتها ان بتروح مع خوييها وبيعطيها حبوب وانا فهمت انها مخدرات ..
قال : طيب تعرفين من هو الولد ؟
قالت : لا ما اعرفة ..
قال : طيب هي وين ؟ ..
قالت : انت واقف مقابل باب الكلية صح ؟ ..
قال : صح ..
قالت : على يمين الباب تشوف وحدة شنطتها زرقاء وعليها سلاسل ذهبية ..
قال : ايه شفتها ..
قالت : هي البنت واذا شفتها تحركت روح اركض وراها ..
قال : طيب فهمت وانتي وينك ؟..
قالت : انا مقابلتك بس الف بنت وبنت مقابلتك بس ما راح تلقاني بينهم بس احسن شيء مو لازم تعرفني ..
قال : طيب ..
وتحركت البنت اللي بتاخذ من خويها حبوب
وقالت له : ياللا روح شوفها ..
قال : طيب عن اذنك ..
وراح وراها وشوي (شهد) سمعت وحدة
تقول : شوفي (سارة) هذا الشرطي اللي يمشي هناك ..
قالت صديقتها : ايه من اول ماجاء واناعيني عليه ..
قالت (سارة ) : ايه حتى انا احلى من شرطيين هالايام هذا يجننن عليه طوول ما شاء الله ..
قالت صديقتها : مو بس يجنن الا يهبل يا حظ اللي بتاخذه صج ..
و (شهد ) تضحك على الصامت وبعدين (نسيم) للحين يلاحق البنت بدون ما تحس لما راحت ورائ الكلية وما كان في احد الا سيارة واكن فيها ولد طايش رايح فيها وشافها ركبت بالسيارة و اتصل بالهيئة اللي مقابل الكلية وراحوا وراء الكلية ومسكوهم هم الاثنين وصارت مشكلة وودوهم للقسم لما خلصوا الاجراءات وجابوا اهاليهم وانفضحت البنت وانفضح الولد ولما خلصوا كل شيء (نسيم) اتصل على (شهد) وردت
وقالت : الوو ..
قال : الوو السلام عليكم ..
قالت : وعليكم السلام ..
قال : قدرنا نمسكهم بس جلسنا ساعة كاملة مو راضيين يعترفون ..
قالت : وبعدين ..
قال : ايه اكيد ولما جبنا اهاليهم انفضحت البنت وانفضح الولد معاها انفضحوا قدام العالم ..
قالت : اصلا لازم يعيدون تربيتهم ..
قال : انا تعبت اليوم طول الاجراءات واقف وما جلست ولا دقيقة ..
قالت : طيب شبصير في البنت والولد ..
قال : ما ادري الحين عم ساجنينهم يمكن دية اة اعدام او التنازل عن القية ..
قالت (شهد) وهي خايفة : اعدام ؟!!! ..
قال : ايه ..
قالت : والله حرام ..
قال :في القسم ممنوع شيء اسمة عواطف ..
قالت : يارب ما يعدمونهم ..
قال : اجل شتبين ؟ ..
قالت : يا يتنازلون او دية ..
قال : الله يسمع منك ..
قالت : طيب ممكن اسئل سؤال ؟..
قال : اسئلي ..
قالت : انت متزوج او تحب ؟ ..
قال : لا .. ليه ؟ ..
قالت : من عذر البنات ميتين عليك ..
قال : ما فهمت ..
قالت : اليوم شافوك بنتين وانجنوا عليك خقوا عليك ..
قال : مساكين اخر همي البنات ..
بعدين قال : طيب انتي متزوجة او تحبين ؟ ..
قالت : لا ..
قال : امممممم ..
قالت : طيب اخليك ترتاح من صوتك تعبان وانا بانزل تحت تبي شيء ..
قال: لا مع السلامة ..
قالت : مع السلامة ..
وفي اليوم الثاني في الليل (شهد) وامها راحوا مجمع وبعدين (شهد) سمعت صوت الاطفاء وسيارات الشرطة ونزلت عند البوابة الريئسية وسئلت الحارس
وقالت : لو سمحت شصاير ؟ ..
قال: صار حريق كبير في العمارة اللي بعد الاشارة ولسة ما قدروا يطلعون روح واحد من داخل العمارة ما قدروا يدخلونها ..
سكتت (شهد) وانصدمت وما عرفت شتسوي ..
وقالت لامها : انا بروح البيت راسي يعورني ..
قالت الام وهي خايفة : بسم الله عليك يمة فيك شيء ؟..
قالت : لا يمة بروح البيت وباخذلي حبة بندول وباريح راسي لا تخافين ..
قالت لام : طيب يمة انا باجي معاك ..
قالت : لا يمة انتي اشتريلي ملابس انتي نفس ذوقي ان ما فيني شيء لاتخافين ..
سكتت الام بعدين
قالت : طيب يمة روحي البيت ..
وراحت وركبت السواق وبسرعة وصلها وهي راحت تركض غرفتها وقفلت باب غرفتها ولبست الزي الشرطية وطلعت من شباك غرفتها وراحت للعمارة اللي احترقت والناس يطالعون فيها ويقولون من هذي ؟ ولما وصلت الحريق كان كبير كثير وما قدر احد يدخلة وصوت صراخ الامهات وصياح الصغار ولاباء وكا (نسيم) موجود وكان يطالع وما عرف شسوي وشافتة وجات عندة
وقالت له وهي مستعجلة : اسمع ابيك تدخل معاي العمارة ..
قال لها : انتي مين ؟!!
قالت : انا الشرطية الخفية ..
قال : انتي ؟!! ..
قالت : ايه انا ابيك تساعدني تدخل معاي العمارة ..
قال : انتي مجنونة كيف ؟!! ..
قالت : في الف واحد وواحد بموت في الحريق واحنا نتفرج ..
وسمع صوت ام تصارخ وولد يصيح
وقال وهو خايف : طيب ..
ومسكتة من خصرة وطارت فيه ودخلت من شباك ما فيه حريق وهي تحاول تجمع الامهات والاطفال والاباء عند (نسيم ) وهو كان يطلعم من الشباك عن طريق حمالة حقت الاطفاء وجات عندة
وقالت له : انا خلصت من الدور هذا ونزلت للدور الثالث مافيه احد بانزل للدور الثاني ..
قال : طيب ياللا بسرعة لا ياكلهم الحريق ..
قالت : طيب ..
وراحت و (نسيم) كان يحط بحمالة الاطفاء خمس خمس وينزلهم ولما خلصت من الدور الثاني
قالت لـ(نسيم) نسيـــــم) انا خلصت من الدور الثاني بانزل للدور لاول وانت بسرعة نزلهم ..
قال : طيب ياللا بسرعة روحي ..
وهي تروح وطول الوقت تحاول تخطي عن الحريق ونزلت للدور الاول وجمعتهم كلهم وودتهم عند (نسيم) وبعد ما خلصوا ونزلوا كل اللي في العمارة طلعوا (شهد) و (نسيم) من العمارة وكان وجههم اسود من النار والدخان والناس فرحانين لانهم طلعوهم كلهم وشوي جات ام عنهم تصارخ
وتقول : ولدي ولدي ليه ماجبتوه ..
قالت (شهد) وهي متفاجاءة : احنا نزلنا كل الاطفال اللي داخل العمارة ..
قال الام : لا لسة ولدي ما جاني ..
وتصيح الام
قال (نسيم) : ولدك باي دور ؟..
قالت : الدور الثالث ..
قالت (شهد) : لا انا رحت الدور الثالث وما لقيت احد ..
قالت الام : الا موجود انا قافلة عليه الباب ..
قالت (شهد) : لا يكون الغرفة 108 ..
قالت الام : ايه هي الغرفة ..
قالت (شهد) : طيب انا الحين بروح اجيبه ..
وجات تبي تروح انفجر دور من العمارة وما قدرت تتحرك الام جاتها حالة جنون
وقالت : لاااااا ولديييييي ..
قالت (شهد) : لا تخافين في امل اني ادخل العمارة واجيب لك ولدك ..
قالت الام : اصبري خذي المفتاح ..
وتفتش في شنطتها
وقال (نسيم) : انا باجي معك ..
قالت : لا لاتجي اقدر اجيبه بروحي ..
قال : مجنونة انا باجي يعني باجي ..
سكتت بعدين
قالت : طيب ..
وشوي قالت الام : المفتاح ضايع ..
قال (شهد) : ايش كيف نطلعة ؟!!
وانفجرت العمارة مرة ثانية وجن جنون الام
قال (نسيم) : ياللا بسرعة خلينا ندخل !! ..
قالت : طيب ..
ودخلوا داخل العمارة والنار كلت كل شيء والاطفاء طلبت 3 سيارات اطفاء علشان يساعدونهم وبعدين لما وصلوا للغرف حاولوا يفتحون الباب ما في امل ما قدرو ابعدين
قال (نسيم) : بعدي عن الباب باكسرة ..
وبعدت عن الباب وكسّر الباب بكتفه وتعوّر وشافوا الولد يصيح وشالته (شهد) ويركضون هي و(نسيم) وبيدها الولد يبون يطلعون قبل لا ينفجر في الدو اللي فيه و (نسيم) طاح بحفرة كلها نار ما يقدر يطلع منها
قالت (شهد) وهي خايفة : (نسيـــم ) ..
قال : اسمعي تشوفين حولينك حبل ..
وطالعت حولينها وشافت حبل
وقالت : ايه اشوف حبل بس بيدي الولد كيف اطلعك ؟ !!! ..
قال : روحي عطيه امه وبسرعة تعالي هنا ..
قالت : ايش مجنون انت كيف اتركك بتموت !! ..
قال : لا لا تخافين ماراح يصير لي شيء انتي بسرعة روحي ..
قالت وهي مترددة : طيب ..
وراحت وطلعت الولد امه
وقال خويه الشرطي (احمد) : وين ( نسيم) ؟!! ..
قالت : داخل بروح اطلعه هو طايح بحفرة ..
وراحت داخل العمارة والنار تزيد اكثر واكثر والدخان يكتم (شهد) وهي تسعل وتكح وبعدين وصلت عندة وراحت تاخذ الحبل بس شافته محترق
وقالت له : (نسيــــم) الحبل احترق !!!
قال : ايش كيف اطلع ؟!!
قالت : حاول تطلع باي طريقة !! ..
وشاف كرسي وخذه وشاف صندوق كبييير وحطّه فوق الكرسي وركب فوق الكرسي
و قالت : ياللا امسك يدي ..
قال : ما اوصل لك ..
وسحبته اكثر ومسك يدها وهي تسحبه وهو يحاول يرفع نفسه ومن قوة السحب (نسيم) طاح فوق (شهد) وكانوا يلهثون من التعب وخايفين
وقالت له : بعّد عني النار بتاكلنا ..
هو طالع فيها وما قدر يترك من فوقها وهي مسكته ورمته على جنب
وقالت : بسرعة خلنا نطلع قبل لا تنفجر العمارة ..
قال : طيب ..
وحاولوا يطلعون ما قدروا وبعدين غامروا بحياتهم وطلعوا من بين النار واول ما طلعوا فرحوا كثير وبعدين صاروا الاطفاء يكبّون على العمارة ماي و(شهد) من الدخان والنار جلست تكح وتكح وتسعل اقوى خاف (نسيم)
وقال : فيك شيء ؟!!! ..
قالت وهي تحاول تأشر له بيدها : ابي ....ب...ببـ ..
واشرت بيدها انها تبي بخاخ
وقالت بعد ما طلعت الكلمة بالموت : بخاااخ ..
قال : انتي فيك ربوو ؟!!!!
قالت وهي ما تقدر تتكلم : ايه ....
وبسرعة راح سيارة الاسعاف وطلب بخاخ الربو وعطوه وبسرعة راح عندهاوبسرعة خذته من يدة وحطته في فمها ووقف السعال والكحّة منها وبعدين
قال لها : شتحسين فيه ؟ !!!!
قالت : الحمد الله ياللا مع السلامة ..
قال : وين رايحة ؟!!
قالت : بروح خلاص ..
قال : مع السلامة ..
وراحت البيت ودخلت غرفتها من الشباك وسمعت صوت امها وهي جاية عندها وبسرعة راحت الحمام وشغلت الماي تسوي نفسها تتسبح وراحت الام عند الحمام وقالت : (شهد) بنتي انتي بخير قوليلي اوديك المستشفى ؟
قالت (شهد) : يمه انا بخير لا تخافين الحين انا قعد اتسبح ..
قالت الام : طيب يمه انا بروح ..
وراحت الام و (شهد) سكرت الماي وراحت غرفتاها وقفلت الباب وجلست على السرير وتذكرت الحالة اللي لما (نسيم) طاح فوقها ونزلت راسها
وقالت : مستحيـــــــــل ..
يعني مستحيل يحبون بعض وبعدين راحت الحمام واتسبحت وطلعت ولبست ورن جوالها وشافت الرقم وطلع (نسيم) وردت
وقالت : الووو ..
قال : الوو السلام عليكم ..
قالت : وعليكم السلام ..
قال : اانا ما اعرف شقول لك بس بصراحة شكرا على كل اللي سويتيه معاي بغيت اموت اليوم..
قالت : العفوو ..
قال: ما كنت اعرف ان عندك ربوو !!..
قالت : مو لازم تعرف كل شيء عني ..
قال : لا ا انا اسف ما كان قصدي ..
قالت : انا فيني الربو من كنت صغيرة ونكتمت اليوم من الدخان والنار وشكرا لك لانك جبت لي البخاخ ..
ضحك بعدين
قال : العفوو انتي وينك الحين ؟ ..
قالت : في غرفتي استنى النوم يجيني ..
قال : حتى انا في غرفتي وقلت خلني اتصل عليك اتطمن ..
قالت : تسلم انا بخير الحين وانت اخبار كتفك بعد كسر الباب ..
قال وهو يضحك : الحمد الله بس في عوار بسيط ..
قالت : الحمد الله على سلامتك ما تشوف شر ..
قال : الله يسلمك ..
قالت : طيب ياللا باي بكرة علي كلية ..
قال : مع السلامة ..
قالت : مع السلامة ,,
وبعدين في اليوم الثاني كان يوم عطلة لانه يوم الاربعاء قامت (شهد) الصباح من النوم وراحت تفطر مع امها وابوها وكانوا يطالعون في التلفزيون وبعدين
قال الاب : تصدقون ان امس وانا في العمل سمعت صديقي قال لي ان صار حريق في عمارة كبيرة والنار كلت كل شيء ..
قالت الام : ايه ادري كنا انا وبنتك في مجمع امس وسمعنا صوت الاسعاف وقالوا لنا ..
قال : في وحدة ساعتهم وقالوا ان اسمها الشرطية الخفية ومعاها واحد وهو شرطي واظن انه اسمه (نسيم) دخلوا العمارة وطلعوا كل اللي كانوا داخل العمارة ..
(شهد) طالعت في ابوها وسكتت وتاكل الفطور
قالت الام وهي مستغربة : شرطية خفية ؟!!! ..
قال الاب : ايه هذي وحدة رافضة انها تقول اسمها علشان ما يعرفونها وهم سموها الشرطية الخفية ..
قالت الام : معقولة من هذي ؟!!! ..
قالت (شهد) : هذي وحدة تحب الناس ..
قالت الام : ما اصدق ؟!!! ..
وجاء خبر في التلفزيون
مذيع يقول : لقد شهدت حريق كبير في الشارع ....... عمارة اسمها ....... وهناك لقد قام فتاة وشاب بانقاذ كل من في العمارة ولقد قام عملاؤنا بتصوير الحدث اما الفتاة لم نعرف هويتها بعد ولقد سموها بالشرطية الخفية واما الشرطي الذي كان معها اسمة (نسيم) اليكم الحدث الان ..
وتجافئت (شهد) كيف صوروهم وهم يطلعون المساكين من العمارة وكيف عرفوا لان هي اول ماجات عندهم ماشافت لا صحفي ولا مصور ..
قالت الام وهي متفاجئة : ايه والله هي من تكون ؟!! ..
قالت (شهد) : يمه يبه انا شبعت بروح غرفتي تبون شيء ؟ ..
قال الاب : لا يا ببه روحي ..
قالت الام : لا يا يمه ما نبي شيء انتي روحي ..
وراحت غرفتاها وجلست على السرير وهي لسّة ماهي مستوعبة
وقالت : كيف صوروني متى جاو اصلا ؟!!!!! ..
ورن جوالها وشافت الرقم وطلع (مسيم) وبسرهة ردّت عليه
وقالت : الووو (نسيم) !
قال : الوو ..
قالت : (نسيم) انت شفت الخبر اللي طلع بالتلفزيون ؟!!!
قال : ايه شفته انا مثلك متفاجئ !!!!!
قالت : اصلا كيف صوروني ؟!!
قال : هذا السؤال اللي مجنني وماكانوا موجودين ما اعرف متى جاوو !!! ..
قالت : الحين الناس بيصدقون في وحدة اسمها الشرطية الخفية ..
قال : طيب خلاص لا تخافين ..
قالت : وشلون ماتبيني اخاف كذا بيحسبون اني بطلة نازلة من السماء وكذا سيرتي على كل لسان ..
قال : طيب حلوو انك تصيرين مشهورة ..
قالت : يا (نسيم) كذا بيصير معاي اعداء كثير ..
قال : طيب حتى لو صاراكيد بساعدك مثل ما انتي تساعديني راح اضل جنبك لا تخافين ..
قالت : اذا تبي تساعدني لازم ننسيهم شيء اسمه الشرطية الخفية ..
قال : لا ما اقدر لان الناس تعلقوا فيك ..
قالت : يا الله ما ادري شسوي ؟!!! ..
قال : ما راح تسوين شيء خليك كذا ..
قالت : بس كذا راح اخسر كل اللي احبهم !! ..
قال : لا تخافين ما راح يعرفون مين انتي يعني ماراح تخسرين احد ..
قالت : طيب ممكن انت اللي راح تخسر وانت وحيد امك وهم اصلا بيشكون فيك ..
قال : لا تخافين ماراح يصير لي شيء سلامة العالم بين ايديك يا بنت ..
سكتت شوي وكانت مترددة
وقالت : والله ما ادري .....بسس .... أأأ .. أ والله خايفة ..بببـ .... بفكر !!! ..
قال : لاتخافين انا جنبك اذا احتجتي اي شيءانا موجود ..
ابتسمت وبعدين
قالت : شكرا ..
قال : العفوو ...
قالت : طيب انت وينك ؟ ...
قال : انا احين في القسم اكلمك من مكتبي ..
قالت : طيب ما تخاف احد يسمعك وانت تكلمني ..
قال : لا لان مكتبي من زجاج واشوف الرايح والجاي ..
قالت : اممممممم ..
وشوي دخل شرطي فجأة عند (نسيم)
وقال له : صار حادث عند جسر الملك (..........) والسيارة بتطيح في البحر ..
قال وهو منصدم : طيب طيب انا باجي انت روح !!
و(شهد) سمعتهم
وقال لـ(شهد) : اسمعي صار حادث عند الجسر اكلمك بعدين ياللا ..
قالت : طيب انا جاية مع السلامة ..
وبعدين (شهد) لبست الزي وراحت الجسر بسرعة وشافت السيارة خلاص بتطيح و (نسيم) كان يبي يطلّع السوّاق اللي يسوق السيارة بس الرجال مغمي عليه وفوق رجله حديدة قوية وما قدر يطلعه وشوي تحركت السيارة وبتطيح في البحر و (شهد) كانت بعيدة عنهم وكانت تشوفهم وشافت من بعيد سفينة وبسرعة راحت عندها ولما ركبت السفينة السيارة طاحت في البحر وبسرعة تسوق السفينة وراحت المكان اللي غرقت فيه السيارة ولما وصلت فصخت كبوسها و غاصت في البحر علشان تطلع الرجال و (نسيم) كان يشوفهم من فوق العمارة وشاف سفينة وبسرعة راح عندهاو ساقها مكان اللي غرقت في السيارة ووقّف جنب سفينة (شهد) وقفز لسفينتها وكان يشوف البحر اذا (شهد) بتطلع ولا لا واكن خايف كثير ورجال الشرطة يطالعون وشوي بعد كم ثانية طلعت (شهد) وبيدها الرجال وفرح (نسيم)
وقالت له : بسرعة ساعدني علشان ارفعة ..
قال : طيب ..
ومسك بالرجال وركّبة داخل السفينة وبعدين رجع عندها
وقال : امسكي يدي علشان اطلعك ..
ومسكت يده وطلّعها من البحر وركبت السفينة وجلست وكانت تلهث من التعب وهو كان واقف وشوي كانت تتفحص الرجال اللي غرق وكان فيه هواء كثير وبما ان (نسيم) واقف والهواء حرك السفينة بقوة وما قدر يحافظ على توازنه وطاح في البحر وغرق وهي
قالت وهي خايفة : (نسيــــــــم) !!!!
وراحت تشوف في البحر وهو ما هو موجود وبعدين قامم الرجال اللي غرق وشافها
وقال وهو ما يعرف شالسالفة : شصاير ؟ !!!! ..
ويوم شافته قام بسرعة غاصت داخل البحر وتدوّر عليه وما لقته ورجعت سطح البحر علشان تاخذ نفس ورجعت دخلت داخل وما لقته وتعبت وطلعت سطح البحر خذت نفس ورجت داخل تدوّر علية وما قدرت ورجعت دخلت البحر وشافت يد وعرفت انه (نسيم) ومسكت يده وبسرعة طلعته ولما طلعوا (شهد)
قالت للي غرق : امسكه وركبه السفينة ..
وفعلا مسكه وركّبه السفينة وبعدين هي ركبت وبعدين راحت عند (نسيم) وحطّت اذنها عند صدرة وما سمعت شيء وبعدين مزّقت القميص وحطّت اذنها عند صدره وما سمعت شيء يعني نبضه وقّف ما في امل تسوي شيءالا اذا سوّت له تنفس اصطناعي وتجرأت وسوّت له التنفس وتظغط على صدرة 5 مرّات وترجع تسوي التنفس وتظغط على صدرة 5 مرات وشوي بدى يكح ويطلع الماي اللي شربه وفرحت وهو طالع فيها ورجع غمى عليه وفي هذا الوقت كانت سفن الشرطة جايه وبعدين شالوا (نسيم) وحطوه في سفينتهم وبعدين الرجال اللي غرق وهي هربت من الشرطة بالسفينة اللي جات فيها وراحت البيت ودخلت من الشباك وكان ملابسها كلّه مــــــــاي تسبحت وعلّقت ملابسها وبعدين ارتاحت لها 10 دقايق ونزلت عند اهلها وكأن الامر عادي وما صار شيء وتغدّت معاهم وجاء خبر مباشر على التلفزيون مذيع
يقول : وقع حادث سيارة في جسر الملك (..........) في صباح هذا اليوم وسقطت السيارة في البحر وغرق السائق مع السيارة ولم يتم انقاذة الا لمّا اتت بفتاة لم يعرف هويتها بعد ولمن قالوا لي انها شرطية خفية وهي قامت بانقاذا هذا الرجل وكانت الرياح قوية وسقط الشرطي (نسيم) وغرق ثم اخرجته الفتاة وكان لا يوجد له نبض وقامت بفعل طريقة انقاذ المغروقين وتم نقله الى المشفى وهو بخير .. سكتت (شهد) وما تكلّمت ولا كلمة
وقالت في قلبها : الحمد لله ..
قال الاب : رهيــــبة هذي البنات !!!!!
ابتسمت (شهد) بعدين
قالت : ياللا انا شبعت بروح اريح راسي شوي ..
قال الاب : طيب يبه روحي ارتاحي ..
وراحت غرفتاه وشافت 8 مكالمات لم ترد عليها وكلّها (نسيم) ورجعت اتصلت عليه ورد
وقال : الوو ..
قالت : الوو السلام عليكم ..
قال : وعليكم السلام اهلين ..
قالت : الحمد لله على سلامتك ..
قال : الله يسلمك ..
قالت : شخبارك الحبن ؟
قال : الحمدلله زين ..
قالت : بصراحة خفت عليك كثير ..
ابتسم بعدين
قال : آسف ما كان قصدي ..
قالت : انت وينك الحين ؟ ..
قال : انا في المستشفى الحين ..
قالت : طيب شفت الاخبار ..
قال : ايه شفتها ..
قالت : امممممم ..
قال: شكرا كثير انا مدين لك بحياتي كلها ..
ضحكت بعدين
قالت : العفوو ..
قال : ما اعرف شبصير فيني اذا ما في شيء اسمه الشرطية الخفية بالحياة ..
ضحكت وبعدين
قال : صرتي معروفة الحين ..
قالت : هذا اللي مخوفني !!!!
قال : لا تخافين الكل راح يحبونك ..
قالت : ما ادري والله ..
قال : مو معقولة صرتي مثل سبايدرمان وباتمان وسوبرمان ..
ضحكت بعدين
قالت : من حقي اصير مثلكم مو بس انتوا اللي تقدرون علينا ..
ضحك بعدين
قال : انا يوم من الايام ابي اقابلك ..
سكتت بعدين
قالت : ما ادري صعبة ..
قال : ادري بس حبيت اشوفك انا م ابي اجبرك ..
قالت : طيب اوعدك اني راح افكر ..
قال : طيب قوليلي اليوم شبتسوين ؟ ..
قالت : ما ادري جاء على بالي اطير في الشوارع والناس يقولون شوفوا هذي الشرطية الخفية ..
ضحك بعدين
قال : انتبهي اذا سويتيها ..
قالت : ليـــــــه ؟!!!!
قال : لا بس كذا قولي يمكن لاني اخاف عليك ..
ضحكت بعدين
قالت : طيب ..
وقالت : احس من الحين صار عندي اعداء..
قال : لا تتفائلين يمكن يكون عندك بس اكيد مو خطيرين ..
قالت : حتى لو مو خطيرين انا ما ابي احد بالعالم يكرهني ..
سكت شوي بعدين
قال : انا لاحظت فيك شيء انك تشيلين هم الناس وما تحبين احد يكرهك ..
ضحكت بعدين
قالت : ايه انا كذا ..
قال : هذا اللي يعجبني فيك ..
سكتت وما عرفت تتكلم وصرّفتها
وقالت : طيب قول لي كم صار على مناوبتك الظهر ..
قال : لحظة خليني احسب اممممم....يمكن....ايه 8 ايام وباقي يومين ..
قالت : يعني 10 ايام ؟ ..
قال : ايه هم 10 ايام ..
قالت : طيب متى بتطلع ؟ ..
قال : بكرة ان شاء الله بطلع ..
قالت : طيب انا ما ابي اطول عليك الحمد لله على سلامتك مرة ثانية ياللا مع السلامة ..
قال : طيب مع السلامة ..
وجات امّه وكانت ميته من الخوف على ولدها وتحب يده وتحب راسه
وقال : هلا يمّه ..
قالت : الحمد لله على سلامتك حبيبي ..
قال : الله يسلمك يمّه ..
قالت : فيك شيء يعورك شيء ؟ ..
قال : لا يا يمّه اتطمني انا ابخير لا تخافين ..
قالت : انت وحيدي يا ولدي كيف ما تبيني اخاف عليك ..
قال : تسلمين قوليلي انتي بخير ..
قالت : ما عليك مني اهم شيء انت اذا انت بخير ان شاء الله انا بخير ..
ضحك (نسيم) وبعدين
قالت الام : يارب توفق الشرطية الخفية اللي ساعدت ولدي وتسهل عليها في كل امورها وولا تعسر عليها ..
قال : امــــــــين ..
قالت : ان هذي البنت انقذتني من الموت اذا صار لك شيء انا بموت ..
قال وهو خايف : بسم الله عليك يمه ليه تتكلمين كذا الله يطول بعمرك ان من لي غيرك في الدنيا يا يمه ..
قالت : تسلم يا حبيبي الله يسعدها ويسعدك يارب ..
قال : تسلمين يا يمه ..
قالت : يا يمه انت فيك شيء الحين صار لك شيء ؟ ..
قال : لا يا يمه اتطمني ..
قالت : الحمد لله ..
وبنفس اليوم في الليل (شهد) قفلت باب غرفتاها ولبست الزي وطلعت من الشباك وتدور في الشوارع وبعدين شافت بنت صغيرة كانت بتدعمها سيار ةوبسرعة مسكتها ووقفت على الرصيف والعالم يطالعون فيها
وقالت الصغيرة : انتي الشرطية الخفية ؟ ..
ضحكت بعدين
قالت : ايه انا ..
قالت الصغيرة : شكرا كثير لك انا اذا كبرت ابي اصير مثلك ..
قالت : طيب بس حبيبتي ليش تمشين على الشارع ..
قالت الصغيرة : كنت العب مع اخوي ..
والناس يطالعون فيها
ويقولون : شوفوا هذي الشرطية الخفية !!!! ..
قالت (شهد) : طيب انتي قلتي لامك انك تلعبين مع اخوك ؟ ..
قالت الصغيرة : لا ..
قالت : طيب روحي انتي واخوك عند امك وحبوا راسها اوكي علشان ما تزعل منكم ..
قال الصغيرة : طيب ..
وراحت وهي طلعت من جو الناس وبعدين راحت تحت الجسر وكان المكان هادي وجلست فيه ونست اهلها وجلست 3 ساعات وماتدري وش صاير في البيت وبعدين جات قطوة عندها وشافتها وصارت تلعب معاها ورن جوالها وشافت الرقم وطلعت امها وتذكرت وضربت جبهتها من النسيان وكانت خايفة
وقالت : الوو ..
قالت الام : الووو (شهد) انتي وينك ..
قالت : اا...انا... أأأ ..
قالت الام : ياللا افتحي باب غرفتك خليني اشوفك ..
قالت : أأ أنا مو في البيت ..
قالت الام : ايش شقعد تقولين اجل وينك ..
قالت : أأ أنا رحت السوق ..
قالت الام : طيب ليش ما تتكلمين ؟!!! ..
قالت : نسيــــــت ..
قالت الام : طيب كيف رحتي والسواق هنا ؟!!!!!!! ..
قالت : امممممم بالتاكســــي ..
قالت الام : السواق تحت رجلك ليش تروحين بالتاكسي ؟!!..
قالت : خلاص يمه لاتسوين فيها مشكلة خلاص اسفة ..
قالت الام : لا تعودينها مرة ثانية ابوك ما تمن الخوف ..
قالت : ليش قلتي له اكيد الحين اتصل على الشرطة ..
قال الام : طيب يمه سكري الحين علشان اطمنه عليك ....
قالت : طيب ..
قالت الام : احنا خفنا عليك ظنينا ان صار لك شيء داخل الغرفة ..
قالت : اسفة مرة ثانية ..
قالت الام : طيب ياللا سكري ..
وسكرت الجوال واتصلت على ابوها وطمنته وبعد 5 دقايق اتصل عليها ابوها وشافت الرقم خافت كثير
وقالت وهي مترددة : الوو ..
قال الاب : الوو (شهد) كذا تخوفينا عليك ..
قالت : ااا انا اسفة ..
قال : لو ما قالت لي امك كان الشرطة جاو عندك البيت ..
قالت : اانا طلعت من البيت وما احد شافني ..
قال : لا تسوينها مرة ثانية اوكي ..
قالت : اوكي ..
قال : وليش ما خذيتي السواق ؟ !!!!..
قالت : خلاص يبه شفيها عادي ..
قال : من وين خذيتي فلوس ؟ ..
قالت وهي خايفة : من مصروفي ..
قال وهو شبة معصب : انا كم مرة اقول لك لا تصرفين ولا ريال من اللي اعطيك اياهم ؟ ..
قالت : بس كذا يا يبه بصير عندي ملايين ..
قال : سوي مثل كل مرة تصدقي فيهم ..
قالت : طيب ..
قال : هذي الفلوس اللي اعطيك ايهم خلي حق اذا بلغوني ربك انك تتزوجين راح تساعدك كثير وكل اللي تبينه موجود عندك ..
قالت : طيب ..
قال : كم صرفتي منهم الحين ؟ .
قالت : ولا شيء ما عجبني شيء ..
قال :طيب اذا خلصتي اتصلي علي ..
قالت : ما اظن ..
قال : ليه ؟!!! ..
قالت : يمكن انام عند صديقتي ..
قال : كيف تنامين يا بنت ؟!!!!! ..
قالت : خلاص يبه احنا في العطلة خلني استانس شوي ..
قال : ان ما ادري شسوي فيك دلوعة ابوها طيب قوليلي متى بترجعين ؟..
قالت : بكرة الصبح ..
قال : طيب واتصلي علينا لا تخوفينا عليك مرة ثانية ..
قالت : طيب اسفة مرة ثانية مع اسلامة ..
وفي الليل والناس نايمـــــــــن وهي لسّة في تحت الجسر راحت المستشفى ولبست جاكيت الممرضة وفصخت كبوسها ولبست كبوس الممرضة ومنزلة راسها علشان ما يشوفونها ويعرفونها وخاصة هي لاسة القناع ودخلت غرفة (نسيم)وهي لسة منزلة راسها طالع فيها
راح اكمل اذا لقيت ردوود